साहित्य :-
ज्वारीचे पीठ एक वाटी, जिरे-मोहरी-कढिपत्ता फोडणीसाठी, तिखट-मीठ चवीनुसार, तेल अर्धी वाटी, चिरलेला कांदा एक, चिरलेली कोथिंबीर, खोबरं आवडीनुसार.
कृती :-
कढईत तेल तापवा. त्यात जिरे, मोहरी, कढिपत्ता, कांदा घाला. परतून घ्या. ज्वारीचे पीठ घाला. थोडे भाजून घ्या. तिखट, मीठ घाला. एकजीव करा. पाणी शिंपडून वाफेवर शिजवून घ्या.
नंतर वरून खोबरं, कोथिंबीर घालून गरमगरम खायला द्या.
- महाराष्ट्रातील पारंपरिक पदार्थ आहे. झटपट होणारा नाष्ट्याचा प्रकार पौष्टिक व चवीला छान आहे.
- ज्वारीचे पीठ व इतर सर्व साहित्य घरातच असते, त्यामुळे लगेच करता येते.